Një total prej 1,3 milionë nga 2,9 milionë votues votuan të premten në Teheran për koalicionin e reformatorëve dhe të të moderuarve që janë duke marrë 29 nga 30 deputetë të kryeqytetit.

Lista e reformatorëve dhe të moderuarve në Teheran drejtohet nga Mohammad Reza Aref,ish-kandidat reformator në presidencialet e vitit 2013, që u tërhoq në favor të kandidatit të moderuar Hassan Rohani, duke i mundësuar që të zgjidhet president që në raundin e parë.

Këto rezultate të qarta në kryeqytetin iranian bien në kontrast me rezultatet e publikuara në pjesën tjetër të rajoneve në Iran që nuk mundësojnë ende të përcaktohet një tendencë e pastër se kush kryeson mes konservatorëve dhe reformatorëve, aleatë të të moderuarve.