Inter – Milan, ndodhë ajo që të gjithë e kemi pritur

Në fundjavën që i paraprin derbit të 169 të Milanos, duket se ka një fitues ende pa nisur loja.

Sport

20/10/2018 10:49

Ndeshja që përplas Interin dhe Milanin është gati për t’u bërë sfida më e ndjekur e këtij sezoni në futbollin italian, pasi nuk do të ketë asnjë vend të lirë në impiantin San Siro.

Në tribunat e stadiumit “Giuseppe Meazza” të dielën në mbrëmje do të jenë më shumë se 78 mijë persona, madje dhe stjuardët e forcat e sigurisë nuk do të mund ta fshehin përkatësinë e tyre si tifozë.

Fitimet nga shitja e biletave do të jenë rreth 5 milionë euro, sigurisht jo një rekord për futbollin italian, por një shenjë e mirë se kampionati italian ka nisur të rivalizojë më së miri me gjigantët e tjerë kontinentalë. Ka një entuziazëm të dukshëm në kampin zikaltër pas 6 fitoreve radhazi, ndërsa te Milan numërojnë 3 suksese, por po kaq dëshirë për t’u imponuar në derbi, transmeton TCH.

Që prej muajit gusht, tribunat e stadiumit milanez kanë qenë ato më të mbushurat me tifozë në Itali. Inter ka luajtur 4 ndeshje në shtëpi dhe nëse kësaj i shtohet edhe Totenhemi në Champions, numri i biletave të shitura shkon thuajse 300 mijë.

Ndërkohë, Milan ka luajtur 4 ndeshje në Serinë A dhe një ndaj Olimpiakos në Europa League, me një faturim prej 180 mijë biletash.

Kur duhet ende të nisë derbi, fituesit në San Siro duket se janë tifozët, të ndikuar dhe nga fushata e suksesshme e abonimeve sezonale.