Instagram shton vegla dhe njoftime të reja
Instagram është duke e bërë më të lehtë për t’i parë njoftimet nga postimet e miqve, yjeve botërore dhe përdoruesve të tjerë të cilët dëshironi t’i përcillni nga afër.
Auto & Tek
Përditësimi më i fundit i aplikacionit shton mundësinë për t’u abonuar në postimet e përdoruesve specifik dhe prezanton dy vegla të reja për editimin e fotografisë.
Veglat e reja për editim, zbehja dhe ngjyra, shfaqen në menynë ‘adjust’ të aplikacionit dhe ju lejon që të ndryshoni mënyrën se si ngjyrat duken në fotografinë tuaj, transmeton Lajmi.net.
Ngjashëm si veglat e tjera në menynë adjust, zbehja e fotografisë vjen me një slider që ju lejon të kontrolloni fortësinë e efektit.
Përditësimi do të bëhet i gatshëm për Android dhe iOS gjatë ditëve në vijim.