Kështu e nis rrëfimin gazetari i të përditshmes britanike “Independent”, Robert Fisk, për atë që pa në kufirin me Maqedoninë, se si emigrantët keqtrajtohen nga bandat që operojnë brenda vendit.

Ai tregon se në Maqedoni emigrantët plaçkiteshin nga persona të veshur me uniforma të rojave kufitare, dhe në kamionët e tyre mund të lexoje shenjat “Militia.” Në rrëfimin e gazetarit thuhet se këta persona rrihnin dhe malltretonin emigrantët.

Ai tregon se aktivistë të organizatës bamirëse “Mjekët pa Kufij” shoqëronin ata, “iu jepnin ndihmën dhe njerëzinë që Evropa nuk do t’ua falë asnjëherë.”

Gazetari rrëfen se emigrantët që vinin nga Siria, shumica nga qyteti sirian Aleppo, por edhe nga Damaskus, Deera dhe Deir ez-Zour dhe prej disa paralagjeve të Douma-s, ankoheshin për plaçkitës gjithandej rrugëve. Sipas raportit të gazetarit Fisk, ata udhëhiqeshin nga disa njerëz që dukeshin si sirianë, por ishin kontrabandues emigrantësh, disa prej të cilëve ishin nga vendet arabe dhe Pakistani.

“Destinacioni i tyre final ishte Gjermania”, shkruan Independent. /Indeksonline