Ka qenë vet shoqata që e konfirmoi lajmin e pezullimit të PAOK-ut, nëpërmjet një komunikate për shtyp, ku theksohet se “ECA” është krijuar për të mbrojtur integritetin dhe rregullsinë e kompeticioneve e ndeshjeve, ashtu sikurse dhe parimet dhe vlerat sportive mbi të cilat bazohet futbolli europian.

Shoqata e Klubeve Europiane bëri të ditur gjithashtu se pezullimi do të mbetet në fuqi deri në nje vendim të dytë, që do të merret më 27 mars, kur do të zhvillohet Asambleja e Përgjithshme e saj në Romë, transmeton “Top Channel”.

Ndërkohë, gjatë javës së ardhshme do të mblidhet edhe Komisioni i Disiplinës i UEFA-s për të diskutuar incidentet e dhunshme që kanë ndodhur kohët e fundit në futbollin europian. Por jo vetëm kaq, pasi mësohet se do të zhvillohet edhe një takim me drejtuesit e Federatave angleze, franceze e greke, të cilave UEFA do t’u kërkojë marrjen e masave ndëshkuese drastike.