Ibishi: Në LDK, erdha pa kushtëzime
Anëtari i ri i LDK-së, Nuredin Ibishi, i njohur edhe si Komandant Leka, tha se i është bashkuar LDK-së, pa asnjë kushtëzim për ndonjë post. Kurse Ismet Beqiri tha se LDK dinë t’i çmojë njerëzit.
Lajme
Lidhja Demokratike e Kosovës , ka prezantuar anëtarin e ri të saj, ish- komandantin e UÇK-së, Nuredin Ibishi.
Gjatë konferencës për media të premten se bashku me sekretarin e përgjithësomë të LDK-së, Ismet Beqiri, Ibishi tha se nuk ka ardhur me asnjë lloj kushtëzimi për ndonjë post.
“Kom ardhur me mendim të lirë, sepse u jepet mundësia ekspertëve që të veprojnë të lirë. Normal, pres oferta dhe angazhimin konform programit dhe statutit, dhe jam i gatshëm të kyçem”, tha Ibishi.
Ndërkaq Sekretari i Përgjithshëm i LDK-së, Ismet Beqiri, tha se partia e tij dinë t’i çmojë njerëzit dhe tu jep hapësirën e merituar.
“Ne jemi parti që dimë t’i çmojmë njerëzit dhe t’ua japim hakun. Kkonsiderojmë se zoti Ibishi mund të jap shumë më tepër kontribut duke qenë pjesë e një partie të madhe, shtet-formuese, shtet-ndërtuese, parti që beson se do t’i fitoj zgjedhjet e ardhshme parlamentare”, tha Beqiri.