I zbulohet djali i paligjshëm, rrezikon martesën
Një krizë në martesën e çiftit të famshëm Jay-Z-i dhe Beyonce Knowles, pasi një djalosh thotë se reperi ka qenë në lidhje të fshehtë me nënën e tij në vitin 1992, e cila në atë kohë ishte ende adoleshente
ShowBiz
Edhe pse Jay Z-i thotë se ai nuk është babai i këtij djaloshi, ai prapë refuzon të kryejë testin e atësisë.
Dhe tani një burim i afërt me çiftin thotë se martesa e tij me këngëtaren është në krizë të thellë dhe janë në prag të divorcit.
Ai thotë se ata grinden vazhdimisht, sepse Beyoncen e pengon fakti që Rymir Satterthwaite 23-vjeçar thotë se është djali i burrit të saj.
“Ata po bëjnë jetë të ndarë dhe martesa e tyre po shpërbëhet”, kanë zbuluar miqtë e tyre.
Djaloshi në fjalë po insiston që të kryhet analiza e ADN-së, por reperi po mundohet ta shmangë me çdo kusht.
Beyonce dhe Jay Z janë në martesë që nga viti 2008 dhe së bashku kanë vajzën Blue Ivy Carter 4-vjeçare, përcjell “Zeri.info”.
Edhe më herët është raportuar se martesa e tyre është në krizë të thellë, sidomos pas akuzave se reperi kishte pasur aferë dashurie edhe me këngëtaren kosovare Rita Ora, gjë të cilën kjo e fundit e ka mohuar.
Mirëpo, Beyonce është e bindur se mes tyre ka pasur një aferë dashurie dhe për këtë kishte kënduar edhe në këngën e saj të re “Lemonade”.
Si duket lajmi për djalin e Jay Z-it do të jetë fatal për martesën e tyre.