I jashtëzakonshmi Luka Doncic, lë prapa edhe LeBron James në këtë statistikë
Luka Doncic është një prej lojtarëve që po rritet më së shumti në NBA.
Sport
Ylli slloven kaloi në NBA, nga Real Madrid, ku shkëlqente me paraqitjet e tij në Euroleague, e të njëjtën gjë po vazhdon ta bëjë edhe në ligën më të fortë të basketbollit, NBA.
Mbrëmë në ndeshjen kundër kampionëve të Golden State, slloveni është bërë lojtari i dytë që më së shpejti arrin 100 gjuajtje të sakta nga vija për tri pikë, transmeton lajmi.net.
Ai u fut në këtë ndeshje me 98 tre pikësha të realizuar.
19 vjeçari është i dyti në votimet e “All Star Game” në konferencën e perëndimit, duke mbetur vetëm mbrapa LeBron James.
Ai gjithashtu prinë në garën për çmimin “Rookie of the year” që ndahet për lojtarin më të mirë në NBA, që luan sezonin e parë.
Nëse vazhdon në këto hapa, Doncic padyshim se do të përfundojë në listën e më të mirëve në histori. /Lajmi.net/