Vajza nga Kosova, por për të cilën thuhet se është me nënshtetësi zvicerane, ka ndërruar jetë në Qendrën Klinike Universitare në Prishtinë. 

Lajmin e ka konfirmuar zëdhënësi rajonale të Ferizajt, toger Agim Gashi. Sipas policisë ngjarja ka ndodhur rreth orës 12.45. 

Viktima 28 vjeçare, ka ndërruar gjysmë ore pas aksidentit fatal. 

Tutje bëhet e ditur se viktimës fillimisht i ishte dhënë ndihma në Emergjencë të Ferizajt dhe më pas shkaku i gjendjes së rëndë ishte transportuar për në QKUK, por as atje nuk kanë arritur të ja shpëtojnë jetën.

Pas rastit tragjik në vendin e ngjarjes kanë dalë edhe policia, zjarrëfiksit, inspektorët komunal, ku u vërejt se rreziku ekzistonte ende.

Kjo për faktin se ndërtuesi në çdo ballkon ka vënë pllaka mermeri të cilat janë pëforcuar vetëm me ngjitës, të cilat me kalimin e kohë janë shkëputur nga konstruksioni, dhe nga momenti në moment të gjitha mund të bien.