Ish-kandidati për deputet nga radhët e Lëvizjes Vetëvendosje, më 7 shtator të këtij viti ishte arrestuar nga ana e Policisë Shqiptare në Durrës, ku sipas kësaj të fundit, ai po tentonte të udhëtonte drejt Italisë. Ndalimin e Ramabajës në pikën kufitare të Durrësit, e kishte konfirmuar edhe Policia e Kosovës. AI dyshohet për  përgatitje të vrasjeve të përfaqësuesve të lartë të shtetit të Kosovës

Sadri Ramabaja besonte se një grup prej 10 anëtarësh do të mundë t’i vrasë 30 udhëheqës politikë në Kosovë dhe të mos zbulohen nga shteti. Ai e shihte me rrezik zgjerimin e anëtarëve të “Syrit të Popullit”. Ramabaja pretendonte se në Kosovë veprojnë 38 shërbime të huaja të spiunazhi.

Akticisti i VV’së, Sadri Ramabaja dyshohet se është përfshirë grupin që plagosi Azem Vllasi dikur zyrtar i lartë, që tash ushtron profesionin e avokatit. Plagosja e tij kishte ndodhur më 13 mars të këtij viti. I dyshuari kryesor për tentim vrasjen e Vllasit është Murat Jashari, një shqiptar, që jetonte në Zvicër.

Përfshirjen e anëtarit të Lëvizjes Vetëvendosje në planifikimin e vrasjes së “tradhtarëve”, pretendohet se e ka zbuluar Njësia Kundër Terrorizmit e Policisë së Kosovës.

Pretendime të rënda për përfshirje në këtë komplot, që ka rezultuar me plagosjen me armë zjarri të avokatit Azem Vllasi, janë renditur në kërkesën e prokurorit special Sylë Hoxha për caktimin e paraburgimit prej 30 ditësh për Sadri Ramabajën.

Kësisoj, Ramabaja, i cili u arrestua para dy muajve në Durrës duke u përpjekur të ikte nga Kosova, me dokumente të bashkëpartiakut të tij, Xhevat Bislimit, tashmë ndodhet në paraburgim prej 30 ditësh. Policia ka zbuluar se Ramabaja e kishte diskutuar më 11 mars 2017 planin e vrasjeve me Murat Jasharin në restorantin “Vila Panorama” në Matiçan të Prishtinës.

Prokuroria ka thënë se Sadri Ramabaja ka mbajtur kontakte me shtetasen rumune Mona Agrigoroaiei, ndaj së cilës janë zgjeruar hetimet për të njëjtat vepra penale si pjesëtare e organizatës kriminale “Syri i Popullit”.

“Më datën 11 mars 2017, Ramabaja është takuar me të pandehurin Murat Jasharin në restorantin ‘Villa Panorama’ në fshatin Matiçan. Në këtë takim janë përmendur grupe të personave prej 10 veta”, shkruan në kërkesën e Prokurorisë për paraburgim.
Aty saktësohet se në këtë takim, Ramabaja ka sugjeruar që grupi të mos zgjerohet me më shumë se 10 persona.

“Ramabaja i ka thënë (Murat Jasharit v.j.) ‘po të sugjeroj që mos me u zgjerua më shumë se 10 veta. Identifikimi i njerëzve është i rrezikshëm. Ti nuk mundësh më nga ky kënd, sepse në Kosovë janë 38 shërbime. Kushdo që përdor banka nuk ka shanse pa u zbulua. Me 10 veta duhet me u krye. 5-6 veta shumë të besueshëm, nuk guxon ashtu të zgjerohesh”, pretendohet se ka thënë Ramabaja në këtë takim.

Në këtë takim ka qenë i pranishëm edhe Avni Llumnica. Në këtë takim, Ramabaja i ka dhënë Murat Jasharit numrin e telefonit të Ramiz Mavriqit, i cili më vonë e kishte kontaktuar avokatin Azem Vllasi dhe i kishte caktuar një takim.

Në atë “takim”, Murat Jashari kishte provuar ta vriste Azem Vllasin, duke e plagosur me një plumb në krah.

Gjyakat Themelore në Prishtinë, më 9 tetor të këtij viti, ia ka caktuar masën e paraburgimit prej 30 ditësh, ish-kandidatit për deputet nga radhët e Lëvizjes Vetëvendosje, Sadri Ramabaja, i cili nga Prokuroria Speciale po akuzohet për përgatitje të vrasjeve të përfaqësuesve të lartë të Republikës së Kosovës

Vendimin e Themëelores e kishte parë të arsyeshëm edhe Gjykata e Apelit. Kjo e  fundit më 25 tetor ka vendosur që ta lë në paraburgim ish-kandidatin për deputet nga radhët e Lëvizjes Vetëvendosje, Sadri Ramabaja, pasi e ka refuzuar si të pa bazuar ankesën e mbrojtësit të tij, kundër caktimit të kësaj mase prej 1 muaji nga ana e Gjykatës Themelore në Prishtinë.

Kujtojmë se Ramabaja dyshohet se është përfshirë në grupin që plagosi ish-anëtarin e Lidhjes Komuniste të Jugosllavisë, Azem Vllasi, i cili tash është avokat. Plagosja e tij kishte ndodhur më 13 mars të këtij viti. I dyshuari kryesor për tentim vrasjen e Vllasit është Murat Jashari, një shqiptar që jetonte në Zvicër. Por, këto akuza vazhdimisht i ka mohuar Ramabaja/