Humb jetën në aksident Atjoni, djali i shkrimtarit të njohur Zhiti
Tragjedi për familjen e ish-ministrit të Kulturës Visar Zhitit. Djali i tij Atjoni, 19-vjeçar, ka humbur jetën në një aksident që ka ndodhur sot në autostradën Tiranë-Durrës.
Lajme
Ai është përplasur me bordurën e trafik-ndarëses së autostradës dhe nuk ka mundur t’i rezistojë plagëve dhe ka ndërruar jetë.
19-vjeçari ishte student për filozofi që prej vitit 2013 në Universitetin “Sacro Cuore” në Milano. Sipas hetimeve të para të policisë rrugore, shkak i aksidentit ka qënë shpejtësia e madhe.
Motorin e drejtonte shoku i tij Serxhio Matiani, i cili është në gjendje të rëndë. Sipas policisë 19-vjeçari Atjon Zhiti nuk kishte vënë skafandër.
Ai ishte djali i vetëm i Visar Zhitit, një ndër shkrimtarët e njohur që u persekutua dhe u burgos nga diktatura komuniste.