Huliganët në futboll, ja si e luftojnë këtë fenomen në Poloni

Polonia, nëpërmjet një nisme të re të paprecedentë ka lançuar “Supporters United”, që ndërthur tifozerinë dhe institucionet më të larta, si Federata e Futbollit apo Ministria polake e Sportit dhe Turizmit.

Sport

28/01/2017 10:25

Pushtimi i fushës nga tifozët e Tiranës, në seancën stërvitore të së enjtes, pati një efekt negativ jo vetëm në klimën rreth klubit kryeqytetas, por edhe në skuadrat e tjera të futbollit shqiptar. Pengimi i stërvitjes së bardhebluve dhe degjenerimi i situatës në dhunë, riktheu situatat problematike që ndodhin jo rrallë në fushat tona.

Huliganë apo jo, këtë mbetet ta vlerësojë secili që shikon pamjet, por jemi shumë prapa në një paralele me tifozeritë elitare europiane, ndoshta më të rrezikshme se një grusht mbështetësish të pakënaqur si ata që pushtuan fushën “Skënder Halili”.

Polonia, nëpërmjet një nisme të re të paprecedentë ka lançuar “Supporters United”, që ndërthur tifozerinë dhe institucionet më të larta, si Federata e Futbollit apo Ministria polake e Sportit dhe Turizmit.

Është një grupim që tregon se tifozët po marrin më shumë përgjegjësi për të përmirësuar imazhin e tyre, kjo falë edhe mbështetjes së këtyre institucioneve. Këtë e tregojnë aktivitetet e shumta të bamirësisë, apo nisma kundër homofobisë e diskriminimit. Programi i ka hapur rrugë dëshirës për dialog dhe nevojës për bashkëpunim, shkruan Tch.

Një shembull është bashkëpunimi mes tifozerive të Arka Gdynia dhe Lechia Gdansk, pavarësisht rivalitetit të këtyre dy ekipeve.

Programi, pjesën më të madhe të financimit e siguron nga fondet publike, e kjo shkaktoi jo pak frikë tek aktorët e përfshirë. Në fund, nisma rezultoi pozitive për të gjitha palët; besimi nga tifozët është rritur, po ashtu edhe përfshirja në aktivitete të ndryshme. Është shtuar gjithashtu bindja se futbolli mund të jetë më i hapur ndaj sektorëve të tjerë socialë.

Parashikoni ndeshje të futbollit dhe fitoni dhjetëra shpërblime, duke përfshirë një iPhone 7 dhe Samsung Galaxy S6