Sipas CNET, celulari ka një ekran 5 inç dhe është i lakuar me një trup metalik. Ekrani i tij vjen me një rezolucion prej 1920×1080 piksel.

HTC One 8s punon përmes versionit Android 5.0 Lollipop dhe vjen me një kamerë 13 megapiksel me një aparaturë f/2.0 dhe lente 28mm, transmeton Lajmi.net.

Video incizimet mund të bëhen në HD me 1080 piksel. Ka një kamerë tjetër përpara 5 megapiksel, e cila gjithashtu bën video incizime në HD me 1080 piksel.

Ngjashëm si celularët e tjerë të HTC, One 8s ka të integruar zmadhuesit e zërit BoomSound në pjesën e përparme të tij që premton zë më të pastër dhe më të lartë.

HTC One 8s punon me procesorin e Qualcomm – Snapdragon 615 64-bit, ku katër bërthama punojnë në 1.7GHz dhe katër në 1.0GHz. One 8s mbështetë mbushje të shpejtë, dhe një bateri më të qëndrueshme, transmeton Lajmi.net.

Kjo bateri ka një kapacitet 2,840mAh dhe vlerësohet se e mbanë energjinë deri në 20 orë edhe në 3G. One 8s mbështetë gjithashtu NFC, Bluetooth 4.1 dhe Wi-Fi. Çmimi i celularit nuk është bërë ende i ditur.