Hoxhaj ka falënderuar ambasadorin Delawie për përkrahjen e vazhdueshme të Shteteve të Bashkuara për Kosovën, si dhe e ka njoftuar për zhvillimet politike në vend.

Hoxhaj dhe Delawie kanë diskutuar për prioritetet e qeverisë së re të Kosovës dhe angazhimet e ardhshme të kabinetit qeveritar në realizimin e planprogramit qeverisës.

Hoxhaj ka theksuar se vendi ka nevojë për shpejtësi dhe dinamikë të re të ecjes përpara.

“Kam pritur sot në takim ambasadorin e Shteteve të Bashkuara të Amerikës, Greg Delawie. Diskutuam prioritetet dhe planet e qeverisë së re të Kosovës dhe theksova se Kosova ka nevojë për një shpejtësi dhe dinamikë të re të ecjes përpara. Jemi shumë mirënjohës për mbështetjen dhe miqësinë e vazhdueshme të ShBA-së për Kosovën”, ka shkruar Hoxhaj në Facebook pas takimit.