Hoxhaj: PDK s’ka ndërruar qëndrim për Demarkacionin, komisioni i kaluar bëri punë profesionale (Video)
Zëvendëskryeministri i Kosovës, Enver Hoxhaj në një intervistë ekskluzive për lajmi.net ka folur edhe për çështjen e Demarkacionit.
Lajme
Ai e ka vlerësuar si shumë profesionale punën e komisionit të kaluar, duke shtuar se raporti i tyre tregon gjendjen faktike në terren.
“Ne si partner koalicioni, mendojmë se ka pasur katër komisione të cilat janë marrë me punën e shenjimit të kufirit me Malin e Zi. Një komision fillestar i cili ka bërë punën shumë profesionale, në bazë të kritereve dhe parimeve kadastrale ka shënuar vijën kufitare dhe ajo marrëveshje është nënshkruar nga Thaçi dhe Hyseni. E shohim rolin e komisionit të ri ma shumë të karakterit verifikues. Nuk dua të jap vlerësime”, ka thënë Hoxhaj.
Ish-ministri i jashtëm tutje deklaroi se PDK-ja nuk ka ndërruar qëndrim për Demarkacionin. /Lajmi.net/
(Ndiqeni përgjigjen e Hoxhajt për Demarkacion pas minutës së 15-të)