Hoxhaj i drejtohet opozites: Moralizoni, por ballafaqohuni në Kuvend
“Kemi përgjegjësi që një shtet si yni, në 8 vjet pavarësi, ta vazhdojë rrugën e ndërtimit të shtetësisë”, tha Hoxhaj.
Lajme
Deputeti i Kuvendit të Kosovës, Enver Hoxhaj nga PDK-ja , reagoi ndaj deklaratave të deputetit të Vetëvendosjes, Ilir Deda.
Hoxhaj tha se e pranon moralizimimin e dikujt, por nëse vjen dhe ballalfaqohet në Kuvend.
“Kur unë i shoh kolegët tanë deputetë të cilët pas tri herë hedhje të gazit lotsjellës, vijnë e shesin moral, unë do ta pranoja edhe një moral të tillë nga njerëz të tillë”, tha Hoxhaj, raporton lajmi.net.
Ai ftoi opozitën që dialogun ta bëjnë në Kuvendin e Kosovës.
“Kemi përgjegjësi që një shtet si yni, në 8 vjet pavarësi, ta vazhdojë rrugën e ndërtimit të shtetësisë”.
Ai tha se është e tepërt që deputetët e shumicës, të japin leksione se si të sillen deputetët e pakicave./lajmi.net