Hoti: Seanca e thirrur nga Qeveria dorëzim i AAK-së e Nismës përballë Thaçit
Shefi i Grupit parlamentar i Lidhjes Demokratike të Kosovës, Avdullah Hoti ka thënë sot se seanca e thirrur nga Qeveria është dorëzim i Aleancës për Ardhmërinë e Kosovës dhe Nismës përball presionit të PDK-së dhe Thaçit për prishje të koalicionit dhe shantazheve të ditëve të fundit.
Lajme
Hoti në një deklaratë për media të publikuar në ‘’Facebook’’, shkruan se këto dy parti tash do të luajnë lojën e Thaçit.
Në këtë deklaratë Hoti nuk e ka përmendur fare pjesëmarrjen e deputetes Teuta Rugova në seancë.
Ja postimi i plotë i tij:
Deklaratë për medie
Seanca e thirrur nga Qeveria është dorëzim i AAK-së dhe Nismës përballë presionit të PDK-së dhe Thaçit për prishje të koalicionit dhe shantazheve të ditëve të fundit.
Këto dy parti tash do të luajnë lojën e z.Thaçi duke nëpërkëmbur shtetin e Kosovës. Ekipi negociator, që nuk përfaqëson vullnetin e shumicës së qytetarëve shumicë të Kosovës, do të përligj në emër të Qeverisë marrëveshjet e fshehta të z.Thaçi me Serbinë.
Shteti i Kosovës po hynë në një fazë kritike të ekzistencës së vet për shkak të veprimeve të kastës udhëheqëse, vrastare për perspektivën e shtetit të Kosovës.
Për LDK-në, sovraniteti dhe integriteti i Kosovës është pa negociueshëm. LDK-ja nuk do të lejojë përdhosje të shtetit të Kosovës. LDK-ja do t’ju prij ndryshimeve që duhet të ndodhin së shpejti në Kosovë. LDK-ja nuk do të dorëzohet ndaj dhunës që po i bëhet shtetësisë së Kosovës.