Hoti për Vokrrin: Do t’i jemi mirënjohës dhe do të përulemi gjithmonë para Legjendës sonë
Zëvendësministri i Kulturës, Rinisë dhe Sportit, Rexhep Hoti është shprehur i pikëlluar me vdekjen e legjendës së futbollit, Fadil Vokrri.
Lajme
Postimi i plotë:
Me dhimbje të thellë mora lajmin për vdekjen e Legjendës së futbollit, Fadil Vokrri.
Ai ishte fytyra më e ndritshme e futbollit në kohët më të vështira për Kosovën.
Ai i dha shumë futbollit dhe shtetit me punën e vet si futbollist dhe si strateg.
E përmbylli internacionalizimin e sportit të Republikës së Kosovës në institucionet më të rëndësishme botërore.
Në të vërtetë, në këtë drejtim ishte edhe burrështetasi i parë që e bëri të njohur shtetin tonë në gjirin e të gjitha shteteve të botës.
Do t’i jemi mirënjohës dhe do të përulemi gjithmonë para Legjendës sonë të futbollit.
Ngushëllime të sinqerta familjes, miqve dhe të gjithë simpatizantëve të futbollit. rhoti