Hoti, duke folur në Info Magazine, që edicionin e sotëm e realizoi nga Shkupi, pohoi se ky ligj për gjuhën do prodhojë rezultate pozitive edhe për tërë rajonin.

“S’ka dilema që si vendim është i një rëndësie të jashtëzakonshme, ndonëse është neglizhuar për kohë të gjatë. Duhet t’i gëzohemi, por të jemi të kujdesshëm”, ka thënë Hoti.

“Janë tri benefite nga vendimi i djeshëm; i pari është komponenta e brendshme që bashkëkombësit të ndjehen të barabartë me bashkëqytetarët e tjerë maqedonas”.

“E dyta; stabilitet rajonal, sepse kjo e drejt është sukses edhe për Kosovën edhe Shqipërinë, prandaj ky vendim nuk duhet të mbetet si akt formal”.

“E treta; me këtë vendim Maqedonia jep shembull shumë të mirë të rrugës së përbashkët që kanë vendet e Ballkanit drejt Bashkimit Europian”.