Hoti: Haradinaj po i mban në Qeveri, ministrat me aktakuza

Shefi i grupit parlamentar të LDK-së, Avdullah Hoti në seancën e Kuvendit të Kosovës ka thënë se Qeveria nuk mund të qëndroj me ministra të cilët kanë aktakuza.

Lajme

16/04/2018 10:48

Sipas tij janë disa ministra të Qeverisë të cilët kanë aktakuza e që nuk do të duhej të ishin në postet e tyre.

“Ne nuk pajtohemi që këta persona me aktakuzë të vazhdojnë të kryejnë detyrat e tyre zyrtare. Këta persona nuk mund të jenë të paanshëm në ndërkohë që hetohen”, ka thënë ai, raporton lajmi.net.

Hoti ka theksuar se zgjidhja e duhur për vendin janë zgjedhjet.

“Grupi parlamentar i LDK-së e ka mbështetur Qeverinë për demarkacionin si kusht për liberalizim të vizave. Por ne nuk mund t’iu nbdihmojmë që ju t’i mbani njerëzit me akuza në poste. Ky koalicion e ka humbur rrugën dhe zgjedhjet janë më të duhurat për qytetarët e vendit”, ka thënë Hoti./Lajmi.net