Hoti: Buxheti për veteranët do të rritet çdo vit (Video)

Buxheti i veteranëve të luftës së UÇK-së, do të rritet për çdo vit. E, kjo në bazë të rritjes së GDP’së, ka deklaruar Ministri i Financave Avdullah Hoti.

Lajme

23/01/2017 23:24

Sipas tij me ligjin e ri për veteranët është adresuar edhe çështja e buxhetit dhe është vendosur që maksimumi i shpenzimeve që mund të shkojë për këtë kategori është 0.7 për qind e bruto prodhimit vendor.

Ministri Hoti, ka theksuar se ndryshimi i ligjit për veteranët ka qenë pjesë e programit me FMN-në.

E, sa i përket dërgimit të këtij ligji në Gjykatën Kushtetuese, i cili është dërguar në këtë të fundit nga opozita, Hoti ka pohuar në “Euro Tribuna”, se nuk pret që Gjykata Kushtetuese ta ndërrojë ligjin pasi që  siç thotë ai është ligj që ka dal nga Kuvendi i Kosovës.

YouTube player