Në ‘The Manta Resort’, pushuesit mund të flenë në një dhomë hoteli, tri metra nën ujë, në Oqeanin Indian. Dritares gjigante ua mundësojnë vizitorëve t’i shohin me sytë e tyre mrekullitë nënujore, ndërsa mund të hipin lartë për t’i shijuar rrezet e diellit.

Një dhomë e re hoteli nënujor është hapur në brigjet e Tanzanisë, ku mysafirët mund ta shijojnë plotësisht oqeanin.

Sigurisht, ky hotel nënujor, që gjendet në ishujt Pemba, më shumë i njohur si ‘Green Island’, ua mundëson pasionantëve të oqeanit edhe të zhyten, për ta eksploruar botën nënujore.

Në këtë hotel lëvizës, nga i cili mund të shihen korale dhe gjallesa të ndryshme uji, një natë për person kushton 750 dollarë.