Hormoni që ndez pasionin mashkullor dhe zvogëlon ankthin – Lajmi.net
Hormoni që ndez pasionin mashkullor dhe zvogëlon ankthin
Autori: Lajmi.net LifestyleLoveSex 17:41, 18 December 2017
Ky hormon mund të shërbejë për të identifikuar dhe trajtuar çrregullimet seksuale Ekziston një hormon “pasioni” i quajtur kisspeptina që rrit dëshirën seksuale tek meshkujt dhe zvogëlon ankthin.

Ai është shumë i rëndësishëm për të luftuar problemet që lidhen me çrregullimet seksuale mashkullore dhe pikërisht ato që lidhen me ankthin, të cilat shpesh shkojnë krah për krah.

Ky hormon dhe roli i tij në dëshirën seksuale është identifikuar nga një studim nga King’s College London, paraqitur në konferencën vjetore të Shoqërisë Angleze të Endokrinologjisë, në Harrogate, në Mbretërinë e Bashkuar, transmeton Gazeta Shqip.

Kisspeptina është një hormon i lidhur me zhvillimin gjatë pubertetit dhe shtatzënisë dhe neuronet reagues ndaj këtij hormoni janë vendosur në një zonë të trurit të quajtur amygdala, e cila është qendrore për rregullimin e sjelljes seksuale dhe emocionale.

Në veçanti, zona në të cilën gjenden këto neurone është e ndjeshme ndaj feromonit, i cili ‘rregullon’ tërheqjen, që sugjeron se kisspeptina mund të luajë një rol në ndikimin e sjelljes seksuale. Kjo është pikërisht ajo që dijetarët donin të verifikonin me hulumtimin e kryer tek minjtë. Duke aktivizuar neuronet e ndjeshme ndaj kisspeptinës me një qasje të sofistikuar dhe të saktë, ata zbuluan se minjtë meshkuj i kushtonin më shumë vëmendje femrave dhe ndërvepronin më shumë.

Por jo vetëm kaq: duke kryer teste standarde u konstatua se kafshët treguan më pak shenja ankthi. Shqyrtuar së bashku, rezultatet tregojnë, sipas studiuesve, se neuronet aktivizohen nga kisspeptina e hormoneve dhe koordinojnë motivimin seksual dhe ankthin, në një mënyrë që inkurajon vetë aktivitetin seksual.

Fotolajm

Rozana Radi provokon nga pasqyra, shfaq gjoksin më shumë se ç’duhet
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO