Ai thotë se Serbia duhet të gjejë “mënyra” kreative, në mënyrë që të mbrojë interesat e saj në Kosovë.

“Serbia duhet të dalë me mënyra krijuese për të mbrojtur interesat e saj në Kosovë, sepse historia është si një seri turnesh, në të cilën kombet marrin apo humbin pikë”, ka thënë Predrag Markoviq, nën kryetari i Partisë Socialiste të Serbisë, për gazetën serbe Blic, transmeton Klan Kosova.

Ai beson se Kosova shumë shpejt do të jetë vendi më i shkretuar në të gjithë rajonin dhe se vendi i vetëm i gatshëm për të investuar në të do të jetë Serbia, e në qoftë se është shumë e pasur do të jetë në gjendje ta blejë Kosovën.

Markoviq po ashtu ka thënë se “Kosova është një vrimë e zezë e paligjshmërisë dhe një vend ku fjalën kryesore e kanë bandat kriminale dhe kartelet e drogës”.