Historia e çiftit që u divorcua në rini dhe u rimartua pas 50 vjetësh në pleqëri (FOTO)

Harold dhe Lidhian janë një çift mjaft i veçantë për historinë dhe mesazhin që përcjellin.

Lifestyle

02/04/2018 17:20

Dyshja nga Kentaki, pas 50 vitesh të divorcuar kanë në plan që të martohen  përsëri.

83 vjeçari  dhe 78-vjeçarja do të shkëmbejnë unazat më 14 prill në Lexington.

Ceremonia do të kryhet në një kishë lokale Baptiste përpara nipit të tyre që pritet të bëjë kurrorëzimin.

Ata u martuan së pari në prag të Krishtlindjes më 1955 dhe pas 8 vitesh raportet e tyre nisën të tensionohen.

Edhe pse kishin pesë fëmijë, rrethanat I shtynë drejt divorcit.

Fill pasi u ndanë secili vijoi jetën e vet duke kurrorëzuar një jetë të re.

Partnerët nga martesa e dytë ndërruan jetë në vitin 2015 duke i liruar rrugën atyre drejt njëri-tjetrit.

Duke folur për martesën e re, Holland tha në The Lexington Herald-Leader se kjo ishte zgjidhje perfekte pasi ata do të kenë mundësi të vdesin së bashku.

“Ne vendosëm dhe duam të ecim së bashku deri në vitin e fundit të jetës sonë”.