Haziri: Shqiptarët e turqit në Gjilan janë vëllezër të një gjaku – Lajmi.net
Haziri: Shqiptarët e turqit në Gjilan janë vëllezër të një gjaku
Autori: Lajmi.net LajmeNacionalePolitikë 21:20, 21 April 2017
Dita e Turqve, 23 prilli është shënuar sot në Gjilan, me një program të pasur kulturor dhe artistik, i cili filloi me intonimin e himneve të Kosovës dhe Turqisë dhe të pranishëm në këtë takim ishin kryetari i Komunës së Gjilanit, Lutfi Haziri, ministri i Administratës Publike, Mahir Yakcilar, ambasadorja e Turqisë në Kosovës, Kivilcim Kilic, zëvendës ministri i Punëve të Jashtme të Turqisë, Ahmet Yıldız, komandanti i Policisë së Kosovës në Gjilan, KFOR-i dhe qytetarë të shumtë.

Sipas njoftimit për media të zyrës së kryetarit Haziri, në fjalën e tij para të pranishmëve, ai ka uruar komunitetin turk në Gjilan për festën e tyre, duke i falënderuar për angazhimin dhe përpjekjet e tyre për të ndërtuar, zhvilluar dhe për të qenë pjesë e proceseve të rëndësishme të jetës së Gjilanit që nga viti 1600 e deri më sot.

“Ardhja e vëllezërve tanë këtu, e zëvendësministrit të Punëve të Jashtme, Yıldız, e ministrit, Yakcilar, ambasadores, Kilic, zëvendësministrit Kader Hysein, bashkëqytetarëve dhe shumë personaliteteve tjera me rëndësi na bënë krenar për të ecur bashkërisht përpara. Natyrisht që viti 1920, fillimi i parlamentit turk dhe shënimi i datës 23 prill, neve na nderon, sepse historia e Gjilani, që tash nuk është e lidhur me vitin 1800, por, që nga viti 1600, kur komuniteti shqiptar e turk në Gjilan, kanë bërë ndërtimin e ‘Atik’ xhamisë”, ka thënë kryetari Haziri.

Ai ka thënë se historia e qytetit të Gjilanit nuk ndahet ne shqiptarë e turq, sepse ata kanë qenë vëllezër të një gjakut, të pa ndarë në asnjë pjesë të jetës dhe bashkërisht kanë ndërtuar edhe qytetin e Gjilanit.

Kryetari Haziri ka thënë po ashtu se kontributi i tyre, për lirinë e Kosovës, të Gjilanit për zhvillimin ekonomik dhe të gjitha të mirat që ne sot i gëzojmë janë të përbashkëta, nuk ndahen dhe janë pjesë të përbashkëta të historisë së rrugëtimit tonë.

Nga ana e tij ministri Yakcilar, zv.ministri, Yıldız dhe ambasadorja Kilic, kanë uruar të gjithë qytetarët e komunitetit turk dhe gjithë qytetarët e Gjilanit, për punën e bërë për trajtimin që bëhet dhe për zhvillimin e përbashkët që ndodh në kuadër të zhvillimit të vendit dhe shoqërisë në përgjithësi.

Yildiz ka thënë se Kosova është në zemrat e turqve, është pjesë e fuqishme e politikës së jashtme të Turqisë duke spikatur se vendi i Kosovës është anëtarësimi në bashkësinë ndërkombëtare, në Bashkimin Evropian dhe në strukturat euro-atlantike.

Fotolajm

Kim Jung, bëhet pjesë e batutave
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Zombie Big Trouble
  • Play iStunt 2
  • Play Urban Basketball
  • Play Bow Master Japan