Haskuka: Ju nuk po dini për MSA-në qe ua sqaroj unë

Mytaher Haskuka, deputet nga radhët e lëvizjes Vetëvendosje, thotë se Kosova po e nënshkruan Marrëveshjen e Stabilizim Asocimit jo si shtet.

Lajme

02/11/2015 09:20

Ai thotë se po sheh shumë keqkuptime andaj ka parë si nevojë që t’i tregon disa të vërteta.

Lexoni të plotë postimin e tij në Facebook:

‘Po shoh që ka shumë keqkuptime dhe dezinformata lidhur me MSA-në, prandaj po e ndjej nevojën me thanë disa të vërteta.

MSA kanë të gjitha vendet e Ballkanit Perëndimor, Kosova është e fundit që e nënshkruan.

MSA-ja nuk është parakontratë për anëtarësim në BE, por është marrëveshje për reforma ekonomike dhe politike në këmbim të ofrimit të tregut pa barriera dhe pa tarifa në disa ose të gjitha tregjet e BE-së ( për mallra industriale, produktet bujqësore, etj), dhe ndihmë financiare apo teknike nga BE për reforma.

Pra Kosova do të përfiton nga ndihma financiare dhe teknike, por jo edhe nga tregtia.

Në aspektin e tregtisë ne nuk eksportojmë në BE prandaj prodhuesit tanë nuk do të përfitojnë shumë, pos nëse nuk I rrisin standardet e tyre dhe të certifikohen për të eksportuar në EU. Në afatshkurtër prodhuesit tonë do të humbin ngase produktet nga BE do të jenë më të lira.

Konsumatorët do të përfitojnë ngase produktet Evropiane do të jenë më të lira ngase hiqen doganat, pra I bie çmimi I veturave. Por Kosova do të humb nga doganat ngase ne importojmë shumë nga BE.

Kosova po e nënshkruan këtë marrëveshje si “joshtet” pra me fusnotë, prandaj kjo nuk e garanton anëtarësimin në të ardhmen, ngase joshtetet nuk mund te bashkohen BE-së.

Së fundi po më shqetëson fakti që në këtë dokument kërkohet që Kosova të implementojë marrëveshjen me Serbinë, ndryshe MSA-ja mund të suspendohet! Pse një kërkesë e tillë në një dokument të Kosovës me BE-në?”./ lajmi.net