Harrohet “Dosja Gavriq”!
Dosja e Slobodan Gavriqit, që u kap me 12 kilogramë eksploziv në Prishtinë po mbahet larg syve të opinionit, por edhe të vet mbrojtjes së tij. As në Komisionin e Punëve të Brendshme nuk kanë informata për hetimet, kurse avokatët thonë se është me rëndësi për shtetin që ky rast të mos zvarritet.
Lajme
Hetimet vazhdojnë. Kaq dihet pas gati tre muajsh paraburgimi për serbin Slobodan Gavriç, i cili në mbrëmjen e 25 dhjetorit u kap me 12 kg eksploziv në afërsi të Ambasadës së amerikane në Prishtinë, shkruan gazeta “Zëri”.
Derisa Gavriçi po mbahet në paraburgim, Prokuroria, si organ i akuzës, po e heton dyshimin si rast tejet të izoluar, duke u kujdesur që të mos dalë asnjë informatë rreth rastit, madje as për vetë të dyshuarin dhe avokatin e tij.
“Ju informoj se rasti për të cilin keni pyetur gjendet në fazën hetimore në Prokurorinë Speciale të Republikës së Kosovës (PSRK)”, i ka thënë gazetës Liridona Kozmaqi, zëdhënëse e PSRK-së.