Haradinaj përgëzon Vasfije Krasniqin për guximin për të rrëfyer për përdhunimin
Kryeministri i Kosovës, Ramush Haradinaj, ka reaguar pas rrëfimit të Vasfije Krasniqit, e cila në RTK ka folur hapur për përdhunimin e saj seksual nga forcat serbe gjatë luftës.
Lajme
“E përgëzoj këtë grua të guximshme që ka vendosur të flas hapur për njërën prej plagëve më të mëdha të popullit tonë. Guximi i saj le të jetë udhërrëfyes për viktimat e shumta të dhunës seksuale gjatë luftës, që të ngriten mbi dhimbjen dhe me dëshmitë e tyre të dokumentojnë krimin, që të ngadhnjejë drejtësia”, ka shkruar kryeministri Haradinaj në profilin e tij në “Facebook”.
Haradinaj tha se së bashku, duke inkurajuar viktimat dhe familjet e tyre, do të heqim stigmatizimin që ka rënduar kaq vite mbi to.
Vasfije Krasniqi Goodman ka rrëfyer për televizionin publik rastin e saj të përdhunimit nga forcat serbe, në kohën e luftës, në prill 1999, kur ajo ishte vetëm 16-vjeçe.