Haradinaj kërkon nga Arabia Saudite të ushtrojë ndikim te shtetet që nuk e kanë njohur Kosovën

Kryeministri i Kosovës, Ramush Haradinaj priti në takim të ngarkuarin me punë nga Ambasada e Mbretërisë së Arabisë Saudite në Tiranë, Fayez Altemyat.

Lajme

21/11/2017 15:21

Kryeministri Haradinaj e njoftoi Altemyatin, për të arriturat në Kosovë, për angazhimet e Qeverisë për zhvillim ekonomik, rritjen e mirëqenies për të gjithë qytetarët dhe për proceset demokratike që po zhvillohen në vend.

Kryeministri  Haradinaj, po ashtu kërkoi nga ambasadori Altemyat ta ushtrojë ndikimin e tij te shtetet të cilat ende nuk e kanë njohur Kosovën.

Ndërkaq, Fayez Altemyat e përgëzoi kryeministrin Haradinaj për marrjen e detyrës në udhëheqje të Qeverisë, duke i ofruar bashkëpunim në të gjitha aspektet e interesit të përbashkët./Lajmi.net/