Ai këto komente i ka bërë pas një takimi që ka zhvilluar me një delegacion të BE-së.

Haradinaj me anë të një postimi në Facebook, ka thënë se në këtë takim ka njoftuar delegacionin e BE-së për të arriturat që ka bërë Kosova në sundimin e ligjit.

Postimi i plotë i Haradinaj:

Si faktor stabiliteti dhe kontribuese në paqen e qëndrueshme, Kosova po luan rol konstruktiv në Ballkanin Perëndimor.

Në takim me delegacionin e BE-së, të përbërë nga ish ministri i jashtëm i Holandës, Bert Koenders, euro-deputetja holandeze Kati Piri, ish deputeti holandez, Jan-Marinus Ëiersma dhe përfaqësuesja e Fondacionit Max der Stoel, Danijela Tadic, i njoftova me progresin e Kosovës në fuqizim të sundimit të ligjit, rritjen ekonomike, si dhe për bashkëpunimin intensiv rajonal, me qëllim të ecjes së bashku drejt Bashkimit Europian.

Kosova pret që institucionet e BE-së të jenë të vendosura që të arrihet një marrëveshje obliguese ligjore nga dialogu final me Serbinë, me njohje reciproke, duke shmangur çfarëdo debati për kufijtë. /Lajmi.net/