Kryeministri i Kosovës, Ramush Haradinaj e ka quajtur “interesant” dhe të “mençur” propozimin e presidentit të Serbisë, Aleksandar Vuçiq për nisjen e dialogut të brendshëm në Serbi për Kosovën.

Haradinaj ka thënë se çështja e Asociacionit të komunave me shumicë serbe do të zgjidhet në pajtim me Kushtetutën e Kosovës, e cila, siç thotë ai, është më e vjetër se “dialogu në Bruksel”, transmeton lajmi.net.

Kryeministri kosovar në një intervistë për TV Palma, televizion me seli në Jagodinë të Serbisë, e cila do të transmetohet të shtunën në mbrëmje, ka thënë se Kosova shkon rrugës së saj. /Lajmi.net/