Kryetari i AAK-së, Ramush Haradinaj, ka thënë se janë duke u përgatitur që ta sqarojnë anën ligjore për të vazhduar zgjedhjen e kryetarit dhe nënkryetarëve në seancën e ardhshme. 

Ai ka shtuar se këtë javë do t’i qartësojnë qëndrimet dhe veprimet se si do të veprohet në këtë proces. 

Kreu i AAK-së, u shpreh se askush prej kryeqendrave nuk kërkon të qeverisim bashkë me Hashim Thaçin, i cili e ka sjellë Kosovën në këtë gjendje me korrupsion, kriminalitet e të tjera. 

Ai tha se mjafton të lexohet Raporti i Progresit dhe të vërtetohet kjo. Haradinaj ka ripërsëritur se diktaturat siç thotë populli ’brina nuk kanë’, por nga veprimet e Thaçit në raport me mediat, shoqërinë civile dhe të tjera. 

I pyetur se pse nuk e kanë shfrytëzuar Blloku të drejtë që të kërkoj sqarim nga Gjykata Kushtetuese dhe jo minoritetet, ai tha se edhe minoritetet e kanë këtë të drejt.