Haliti për ajrin e ndotur: Gjendja aktuale s’është e jashtëzakonshme

Nënkryetari i Kuvendit të Kosovës, Xhavit Haliti ka justifikuar cilësinë e dobët të ajrit në Prishtinë.

Lajme

01/02/2018 11:27

Sipas tij, asgjë nuk është jashtëzakonshme dhe nuk është situatë për t’u shqetësuar.

Ai ka thënë se e njëjtë situatë ka qenë edhe gjatë viteve të 1970 dhe 1980.

“Po diskutohet thua se askush nuk ka jetuar në Prishtinë e nuk e dimë situatën. Historikisht kush ka jetuar dhe kush ka studiuar në Prishtinë e din se kur ka mjegulla dhe kur është ftoftë ka qenë gjithmonë e njëjta situatë nuk është diçka ma keq se sa në vitet e 70 apo 80”, ka thënë Haliti në seancën e Kuvendit.