Halil Kastrati ndihmon nënën e dëshmorit që iu ndal pensioni për faturat e rrymës

Shaha Haziri ditë më parë kishte mbetur pa pensionin mujor që e merrte, pasi përmbaruesi ia mori paratë për shkak që nuk e kishte paguar rrymën.

Lajme

12/12/2018 22:19

E moshuara nga Drenasi, nënë dhe gruaja e dëshmorit, e cila ditë më parë kishte mbetur pa pensionin mujor që e merrte kishte prekur të gjithë me gjendjen e saj.

E për këtë rast, humanisti Halil Kastrati e ka vizituar Shaha Hazirin, ku edhe ka njoftuar se nga sot shoqata “Jetimat e Ballkanit” do ta ndihmojnë për çdo muaj me nga 100 euro.

Këtë e ka bërë të ditur vetë Kastrati në rrjetin social facebook.

“Pas lajmit që e lexova në Insajder, sot e vizituam nenen Shaha Hazirin e cila përkundër se edhe djalin edhe burrin e ka dëshmorë të luftës së fundit në Kosovë, po i duhet të ballafaqohet edhe me problemin e sigurimit të mbijetesës. Ajo nuk po arrin ta shlyejë borxhin për rrymën e shpenzuar. Nga sot shoqata jonë “Jetimat e Ballkanit” do ta ndihmojnë për çdo muaj me nga 100 euro. Bamires Zoti kurr mos ju humbte”, ka shkruar Kastrati. /Lajmi.net/