Ky ishte mesazhi i euro-komisarit për politikë të fqinjësisë dhe negociata për zgjerim të Bashkimit Evropian Johannes Hahn gjatë konferencës së përbashkët për media me kryeministrin maqedonas Zoran Zaev, pas pjesëmarrjes në mbledhjen tematike të qeverisë kushtuar prioriteteve urgjente reformuese për integrimet evropiane të Maqedonisë.

Ai paralajmëroi se nesër në Shkup do të arrijë Reinhard Priebe me ekipin e ekspertëve që do të ndihmojnë lidhur me prioritetet në fjalë, qëllimi i të cilëve, siç tha, nuk është që të kënaqet BE-ja, porse përmirësimi i kushteve të jetës për qytetarët. Një ditë më vonë në vend do të arrijë edhe një delegacion i Drejtorisë për zgjerim pranë Komisionit Evropian.

Hahn i lavdëroi hapat reformues të Qeverisë me vizitat në Bullgari dhe Greqi sepse, siç tha, me rëndësi esenciale është vendosja e raporteve të mira me fqinjët.

Kryeministri Zaev theksoi se Qeveria po hap një kapitull të ri lidhur me reformat për integrimet evropiane, kurse prania e Hahnit në mbledhjen e Qeverisë paraqet sinjal të fuqishëm se integrimi evropian nuk është më ëndërr, porse një realitet.