Trajneri i Bayern Munichut, Pep Guardiola ka thënë se nuk brengoset se kur mund të fitojë titullin e kampionit në Bundesligë.

Skuadra e tij ka krijuar 23 pikë në krye të tabelës dhe mund të shpallet kampion në fundjavën e ardhshme nëse mposht Mainzin dhe Borussia Dortmund e Schalke nuk shënojnë fitore.

Por, Guardiola kërkon diqka tjetër. “Nuk është me rëndësi se kur do ta fitojmë titullin, është me rëndësi të mbajmë nivelin e lartë të paraqitjeve”, deklaroi Guardiola.

“Në pjesën e parë ishim me fat. Tani na nevojiten edhe një ose dy ndeshje për të mbrojtur titullin, por duhet të përqendrohemi gjithmonë dhe të ruajmë koncentrimin”.

Spanjolli nuk ishte i kënaqur nga paraqitja e Bayernit në fitoren 2:1 ndaj Bayer Leverkusenit.

“Ne është dashur të luajmë më tepër në krah dhe jo aq shumë në qendër”, shtoi ai.