Guardiola: Asnjë lojtar nuk mund të krahasohet me këtë yll të futbollit
Pep Guardiola është paraqitur para gazetarëve në konferencën për shtyp për ndeshjen me Napolin.
Sport
Manchester City nesër (e martë) në stadiumin ‘Etihad’ pret Napolin për ndeshjen e xhiros së tretë të Ligës së Kampionëve.
Njëra nga pyetjet që iu parashtrua teknikut spanjoll, ishte nëse Kevin De Bruyne mund të marrë udhëheqjen e ekipit, për t’u bërë “Lionel Messi” i Manchester City.
“Epiteti për më të mirin është vetëm për njërin, por sigurisht që De Bruyne është ndër më të mirët. Uroj që të gjithë lojtarët e mi të arrijnë nivelin e Lionel Messit”, ka deklaruar Guardiola, përcjell lajmi.net.
“Ne duam të fitojmë shumë ndeshje, por jo të vëmë presionin te De Bruyne. Është një lojtar i madh por jo Lionel Messi, ai është i një niveli tjetër”./Lajmi.net/