Më 15 shtator, Josette Buchman, kunata e së moshuarës dhe vëllai Joseph shkuan të vizitonin Ritën pas disa vitesh. Raportet mes familjeve të tyre ishin ndërprerë prej kohësh por tani Rita kishte shfaqur nevojën që dikush të kujdesej për të dhe pse jo, ta çonin në një azil apo vend të posaçëm për njerëzit si ajo.

Kur çifti hyri në shtëpinë e të moshuarës vuri re se kishte diçka që nuk shkonte. Dhomat ishin të mbushura me mbeturina dje gruaja jetonte në një gjendje shumë të keqe. Josette u ngjit në katin e sipërm për të parë gjendjen e gjithë banesës dhe pas derës së një dhome, mes mbeturinave dhe mbi një dyshek pa një skelet të veshur me xhinse, këmishë dhe shapka.

“Dukej si një skenë filmi horror. Shtëpia ishte e mbushur me mbeturina, si të ishte shkarkuar një kamion në të”, tha Josette. Sipas të dhënave të para, gruaja kishte pasur dy fëmijë, Michael dhe Louis me bashkëshortin e saj, Jesse, i cili kishte ndërruar jetë në vitin 1987.

Michael ndërroi jetë në vitin 2003, në moshën 38-vjeçare, ndërsa Louis, i cili tani do të ishte 49-vjeç, ishte parë për herë të fundit rreth 20 vite më parë. Kur hetuesit folën me gruan e moshuar, Rita tha se nuk kishte asnjë ide që kufoma e të birit ndodhej  brenda shtëpisë, pasi ajo ishte e verbër.