Pep Guardiola ka përkrahur Mario Gotzen të shkëlqejë për Bayern Munichun pasi mesfushori inspiroi kampionin e Bundesligës në fitoren 4-1 ndaj Mainzit të shtunën.

Gjiganti bavarez ishte në disavantazh pas golit të Shaën Parker në pjesën e parë, por u kundërpërgjigj në vazhdim duke realizuar katër herë, pas inkuadrimit të Gotzes dhe Rafihnas.

Rasti për tu dëshmuar doli të jetë i suksesshëm pasi Gotze përgatiti golat e Arjen Robbenit dhe Mario Mandzukicit të cilëve në listën e realizatorëve iu shtua edhe Thomas Muller me dy gola.

Guardiola u ka bërë thirrje tifozëve të Bayernit të kenë durim me 21-vjeçarin i cili ende nuk e ka gjetur formën e tij më të mirë. “Gotze është futbollist i jashtëzakonshëm”, deklaroi trajneri i Bayern Munichut për të përditshmen gjermane Bild.

“Ai është inteligjent, i mençur në zonën e penalltisë. Vetëm i nevojitet ende kohë, është në rrugën e duhur. I nevojiten edhe disa ndeshje për të arritur në kulmin e formës fizike”, përfundoi Guardiola.