Në ndeshjen e tij të 400-të zyrtare me Real Madridin, Sergio Ramos ka shënuar ndaj Valladolidit, në barazimin 1:1, të regjistruar të mërkurën mbrëma. Mbrojtësi spanjoll e shënoi një gol fantastik nga gjuajtja e lirë në minutën e 35-të.

Ramos, i cili e pati fatin të bëhet prind për herë të parë, ia dedikoi këtë gol djalit të tij, Sergio Ramos Rubio, duke e futur gishtin në gojë, por atë ia dedikoi edhe Cristiano Ronaldos, pasi shkoi deri tek bankina, duke e përqafuar yllin portugez, i cili e lëshoi fushën në minutën e tetë, për shkak të një lëndimi.

Ndër të tjera, Ramos e gjeti golin në ndeshjen e tij të katërt rresht, duke u bërë një golashënues i vërtetë i Los Blancos.