Policia e Maqedonisë, Austrisë, Gjermanisë dhe Holandës kanë shkatërruar një rrjet ndërkombëtar të trafikimit të drogës, i cili ka vepruar kryesisht në Maqedoni.

Aksioni që është drejtuar nga policia evropiane Europol, ka vënë në pranga rreth 400 të dyshuar dhe ka sekuestruar rreth 100 kilogramë heroinë, kokainë, kanabis dhe të holla.

Ky grup kriminal, i cili ka trafikuar heroinë, ka vepruar me bazë në Maqedoni, por edhe në Austri e Gjermani.

Droga që vinte nga Ballkani, nëpërmjet Sllovenisë, depërtonte në tregun e zi të vendeve të BE-së.