Ai i tha të përditshmes “Politika” të dielën se përmes destabilizimit nuk do të përfitojnë as serbët as shqiptarët .

“Ne jemi dëshmitarë të thirrjeve të përditshme publike nga kryeqytetet më me ndikim në botë për ta tërhequr tarifën, mirëpo fakti që Prishtina ende nuk e ka bërë këtë, ngjall dyshimin se ata nën këtë shtresë të bindjeve publike, në të vërtetë kanë mbështetjen sekrete të sponsorëve të tyre”, tha Gjuriq, përcjell lajmi.net.

Gjuriq tha se formimi i ushtrisë së Kosovës është i paligjshëm, në kundërshtim me marrëveshjen e Kumanovës dhe Rezolutën 1244, e cila i dha fund luftës në Kosovë, por edhe në kundërshtim me kushtetutën që vetë Prishtina solli.

“KFOR, në të vërtetë, nëse i përmbahemi të drejtës ndërkombëtare, duhet të çarmatosim çdo shqiptar në Kosovë dhe të mos ndihmojnë në këtë proces”, tha Gjuriq.

I pyetur nëse Beogradi do të reagonte nëse Prishtina dërgon trupa në veri, Gjuriq tha se Presidenti serb Aleksandar Vuçiq e bëri të qartë se Serbia nuk do të lejojë askënd të bëjë “stuhi” të reja dhe kjo duhet të jetë mjaft e kuptueshme për të gjithë.

“Ne nuk duam një konflikt me askënd, sidomos jo me NATO dhe Shtetet e Bashkuara, por serbët kurrë nuk kanë pritur në gjunjët e tyre për t’i shfarosur”, tha Gjuriq.

I pyetur për statusin e procesit negociues dhe nëse dialogu i Brukselit është i vdekur, Gjuriq tha se procesi i negociatave është “në akull”.

“Unë besoj se gjithsesi, gjithkush do të kuptojë se nuk ka rrugë tjetër për të zgjidhur problemet dhe mosmarrëveshjet në Kosovë. Sigurisht nuk kemi hequr dorë nga dialogu”, tha Gjuriq. /Lajmi.net /