Gjilani nuk do ta lëshojë rastin… – Lajmi.net
Gjilani nuk do ta lëshojë rastin…
Autori: Sabit Rrustemi LajmeOp-EdOpinionPolitikë 11:13, 20 October 2017
Albin Kurti nuk e solli në Gjilan frymën e fitores, por frymën e nxitjes dhe të konfliktit ndërmjet gjilanasve.

Ai, nuk e shpalosi as Vizionin për Gjilanin por, urrjetjen ndaj pretendentëve për kryetarë të Gjilanit, Lutfi Hazirit e Zenun Pajazitit, të cilët realisht kanë mbështetje më shumë se i propozuari i tij.

Ai, nuk e mbështeti realisht as Sami Kurteshin por, përmes emrit të tij dhe në konakun e tij, fyu rëndë dhe shpifi sa mundi kundër dy pretendetëve real për ta marrë drejtimin e Gjilanit e, sidomos kundër Lutfi Hazirit po, edhe mbështetësve të shumtë të tij.

Ai, madje, nuk e paraqiti as Programin e kësaj Lëvizjeje për Gjilanin por, paraqiti aftësitë e tij për të fyer, etiketuar e nxitur turmën kundrejt atyre që s’mendojnë si ai, s’veprojnë si ai dhe nuk iu binden thirrjeve të tij.

Ai, madje shkoi dhe më larg, preku dhe në privatësinë e njërit prej pretendentëve më të mëdhenj për ta fituar Gjilanin, Lutfi Hazirin, duke përuruar botërisht , jo gjuhën e një lideri ( larg qoftë ) por, gjuhën e një rrugaçi.

Ai vetëm na bindi se SHIK-u e ndonjë shërbim tjetër,ishin dhe janë lule karshi Lëvizjes së tij.

Ai, me gjuhën, fjalorin dhe zgërdhirjen e tij, na dëshmoi se nuk është ndryshimi dhe as fati i mirë i Kosovës, por, zvetnimi dhe e keqja e këtij vendi.

Ai, harroi se është në Gjilan, në qytetin e paqes e të demokracisë, në qytetin e njerëzve të mirë e mikëpritës, në qytetin i cili ka dhënë shumë për Kosovën e shqiptarët.

Ai madje harroi se pikërisht ata të cilët provoi për t’i përulur e fyer më fjalorin e tij tejet patetik, Lutfi Haziirin e Zenun Pajazitin, shumë më shumë se ai e duan, e çmojnë dhe kanë kontribuar e kontribuojnë për Gjilanin.

Çuditërisht, disa nga ata që thirren ende si gjilanas, si Hydajet Hyseni, Shemsi Syla, e ndonjë tjetër, në vend se t’ia tregojnë derën, heshtën. Heshti dhe vetë Sami Kurteshi, i cili pati rastin të distancohej nga ai fjalor tepër fyes, sidomos ndaj Lutës, duke shkelur kështu, jo vetëm në nderin e tij dhe të familjes së tij po, edhe të atyre që e kishin mbështetur në ditët më të vështira, në mesin e të cilëve ishte dhe babai i Lutës, tashmë i ndjeri baca Emrush, për të cilin jo fort moti kishte thurrur elozhe.

Me një fjalë, Sami Kurteshi për një post të cilin e pretendon kot, shkeli bukën e ngrënë dhe, edhe traditën shqiptare, pak nga ëndja e tij e, më shumë i nxitur prej “liderit” të tij.

Samiu e lëshoi rastin për ta fituar besimin e gjilanasve, kurse Albini për t’u përurua si lider i njëmendtë.

Por, Gjilani nuk do ta lëshoi rastin për t’i ndëshkuar me votë. Dhe, jo më larg se në këtë të diele…

Zhegër, 20 tetor 2017

Fotolajm

‘’Në makinë, ka njerëz që nuk do të takohen kurrë më!’’
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play 8 Ball Pool
  • Play iStunt 2
  • Play Rock Wheels
  • Play Zombie Big Trouble