Gjendet i vdekur 61 vjeçari nga Vushtrria, ishte zhdukur javën e kaluar
Është gjetur pa shenja jete, 61 vjeçari nga fshati Studime e Ulët në Vushtrri, i cili raportohej i zhdukur.
Lajme
61 vjeçari, Galip Rashica nga fshati Studime e Ulët në Vushtrri është gjetur pa shenja jete mëngjesin e sotëm, pasi ishte zhdukur nga dita e shtunë e javës së kaluar.
Trupin e pa jetë të 61 vjecarit pas kërkimeve e kanë gjetur zyrtarë të policisë së Kosovës dhe ekipet e FSK-së.
Këtë e ka konfirmuar për lajmi.net, Avni Zahiti, zëdhënës i Policisë në Rajonin e Mitrovicës.
Zahiti ka thënë se që nga data e zhdukjes së 61 vjeçarit, policia në bashkëpunim me FSK-në në vazhdimësi ka kërkuar në zonat e Vushtrrisë ku është dyshuar se mund të jetë.
“Personi në fjalë nga data 18 e këtij muaji është raportuar si zhdukur nga familjarët, nga ajo datë ka qenë në kërkim si person i zhdukur, ndërsa sot në orët e mëngjesit është gjetur pa shenja jete, në zonën e Vushtrrisë. Policia është duke u marr me rastin”, ka thënë Zahiti. /Lajmi.net/