Gjashtë të arrestuar për grushtimin e mjekut dhe teknikut në Suharekë – Lajmi.net
Gjashtë të arrestuar për grushtimin e mjekut dhe teknikut në Suharekë
Autori: Lajmi.net LajmeSociale 14:33, 10 August 2018
Policia e rajonit të Prizrenit ka njoftuar se rreth orës 03:53 minuta të mëngjesit të sotëm, në Urgjencën e mjekësisë familjare në Suharekë janë grushtuar një mjek dhe një teknik.

Ky sulm ka ardhur pas një bisede të tensionuar gjatë trajtimit të një të sëmuri.

“Gjatë trajtimit të një të sëmuri, pas një bisede të tensionuar ka ardhur deri tek sulmi i personave zyrtarë në kryerje të detyrës me ç’ rast janë grushtuar dhe rrëzuar në dysheme një mjek dhe një teknik”, thuhet në njoftimin e policisë.

Policia njofton se lidhur me rastin, në këto momente, policia i ka arrestuar gjashtë të dyshuar.

Po ashtu ata kanë thënë se janë në kontakt të vazhdueshëm me prokurorin e shtetit për të përcaktuar përfshirjen e secilit veç e veç dhe mbi bazën e të gjeturave gjatë hetimit të bëhet ndalimi i tyre.

Fotolajm

Rita, Dua dhe Era.
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO