Kelmendi i ftuar në emisionin ‘Frontal’ në T7, është shprehur se me zgjedhjen e Erdoganit si president do të përfitojë i gjithë rajoni, jo vetëm qytetarët e Turqisë.

Tutje, kreu i partisë Fjala ka deklaruar se Erdogan ka ndalur edhe sulmet terroriste në Turqi e rajon.

“Politika e tij ka prodhu një stabilitet ndër-shtetëror, ndërkombëtar. Prej që është zgjedhë president Erdogani e kemi një rënie të sulmeve terroriste në Turqi por edhe në rajon”, ka deklaruar Kelmendi.

“Procesi zgjedhur ka shku si një proces demokratik që nuk është pa në asnjë vend”, ka shtuar ai.

Lideri i partisë Fjala, ka deklaruar se me ardhjen e Erdoganit si president në Turqi ky shtet është shndërruar në një superfuqi botërore.

“Ergogani kur e ka marrë ,mandatin e tij, Turqinë e ka gjetur në një humnerë. Por ai brenda një kohe shumë të shkurtë ai arriti që Turqinë ta shndërrojë në një superfuqi”, ka deklarua tutje Kelmendi.