Gazeta e Barcelonës publikon lajmin e keq për Ronaldon
Cristiano Ronaldo ka harruar kur ka shënuar gol në La Ligë.
Sport
Sulmuesi i Real Madridit, Cristiano Ronaldo është duke u ballafaquar me një situatë të pazakonshme.
Ylli portugez ka kaluar 270 minuta lojë pa realizuar gol në La Ligë dhe i është afruar statistkës negative prej 336 minutash nga edicioni i kaluar, shkruan e përditshmja sportive katalane “Sport”.
Ronaldo ka vuajtur ta gjejë formën e tij më të mirë pas rikthimit nga suspendimi prej pesë ndeshjesh moslojë për shkak të përjashtimit me karton të kuq në ndeshjen kundër Barcelonës në Superkupën e Spanjës, përcjell “lajmi.net”.
Por, trajneri Zinedine Zidane shpreson se ndeshjet ndërkombëtare me Portugalinë t’i ndihmojnë Ronaldos t’i rikthehet golit dhe formës së mirë. /Lajmi.net/