Gaza, pas tensioneve mbahen funeralet e 58 viktimave të së hënës – Lajmi.net
Gaza, pas tensioneve mbahen funeralet e 58 viktimave të së hënës
Autori: Lajmi.net BotaLajme 17:59, 15 May 2018
Në Rripin e Gazës janë mbajtur këtë të martë funeralet e 58 të vrarëve të një dite më parë, kur trupat izraelite hapën zjarr mbi protestuesit palestinezë, në ditën më të përgjakur të dhunës që nga viti 2014.
Varrimet koinçidojnë me përvjetorin e 70 të asaj që palestinezët e quajnë “Nakba”, një zhvendosje masive e palestinezëve pas krijimit të Izraelit.

Ushtria izraelite tha se po përgatitej për konfrontime të reja të martën, por grupet palestineze lanë të kuptohej se do të përmbaheshin nga protestat.

Dhuna e së hënës erdhi ndërkohë që Shtetet e Bashkuara përuruan Ambasadën e tyre në Jeruzalem, një lëvizje kjo e polemizuar që përmbysi dekada politikë të jashtme amerikane dhe ndezi zemërimin e palestinezëve.

Këta të fundit e konsiderojnë Jeruzalemin Lindor si kryeqytet të shtetit të ardhshëm palestinez. Ata e shohin lëvizjen e Amerikës si një mbështetje të kontrollit izraelit mbi të gjithë qytetin, që në fakt Izraeli e konsideron kryeqytetin e tij të pandashëm.

Zyrtarët palestinezë thanë se, përveç të vrarëve, rreth 2.700 persona të tjerë janë lënduar në dhunën e së hënës dhe besohet se kjo ishte dita më vdekjeprurëse në Rripin e Gazës që nga viti 2014.

Kryeministri izraelit, Benjamin Netanyahu tha se ushtria po vepronte në vetëmbrojtje, ndërsa kreu i Autoritetit Palestinez e konsideroi atë që ndodhi, një masakër. Kombet e Bashkuara, ndërkohë, folën për shkelje të rënda të të drejtave njerëzore.

Fjalët kyçe: Gaza, Palestinezët

Fotolajm

“Kulturë boksi” përpara Ministrisë së Kulturës në Prishtinë /FOTO
Foto, aparati për matjen e fuqisë së goditjes përpara Ministrisë së Kulturës në Prishtinë /lajmi.net ?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Bike Rivals
  • Play Urban Basketball
  • Play Rock Wheels
  • Play Pro Kicker Frenzy