Shqetësimi kryesor i Pep Guardiolas është pozita e mesfushorit defenziv, ku në dispozicion ka vetëm Fernandinhon.

Ai para disa ditësh ka thënë se Man City ka një pikë të dobët, që është zëvendësuesi i Fernandinhos. Sipas Guardiolas ai nuk ekziston dhe është e vështirë të sigurohet.

Kështu, dy dëshirat kryesore të “Citizens” janë Frenkie de Jong dhe Tanguy Ndombele, shkruan “Goal”, transmeton lajmi.net.

Këto dy targete mund të jenë të pamundura për Manchester City, pasi skuadrat nuk janë të gatshme t’i largojnë dhe konkurrenca është jashtëzakonisht e madhe.

Frenkie de Jong thuhet se veçse ka arritur një marrëveshje me Barcelonën dhe do të kalojë në “Camp Nou” për rreth 80 milionë euro.

Kurse për Ndombelen ata mund të kenë një avantazh të lehtë. Edhe presidenti i Lyon ka thënë se nuk është i sigurt nëse mund ta mbajnë Ndombelen në skuadër.

Mbetet të shihet nëse Pep Guardiola do të sigurojë zëvendësuesin e Fernandinhos  gjatë këtij afati kalimtar. /Lajmi.net/